రామలింగని తెలివి | తెనాలి రామకృష్ణుని కథ | Tenali Rama Linga Story, Thenal Ramakrishna Neethi Kathalu

రామలింగని తెలివి | తెనాలి రామకృష్ణుని కథ | Telugu Neethi Kadhalu

విజయనగర సామ్రాజ్యంలో వికటకవిగా ప్రసిద్ధిచెందిన తెనాలి రామలింగని గూర్చి విననివారు ఉండరు. తెలివితేటలు, హాస్యము-అతనిసొత్తు!

ఆ రాజ్యంలోని ఒక ఊరులో ఒకముసలమ్మ నివసిస్తూండేది. ఒకరోజున ముగ్గురు దొంగలు ఆమెవద్దకు వచ్చి “అవ్వా! మేము యాత్రీకులము. చాలాదూరం ప్రయాణం చేయుటచే బాగా అలసిపోయి ఉన్నాము. దయతో మాకొక గదిని అద్దెకు ఇస్తే యిక్కడ విశ్రాంతి తీసుకొంటూ కొన్నాళ్ళు ఉంటాము” అన్నారు.

ఆమె అంగీకారంతో వారాయింటిలో నివసించసాగారు. ఒకరోజున వాళ్ళు బంగారునాణేలతోనున్న కుండనొకటి తెచ్చియిచ్చి దాన్ని భద్రంగా చూడవలసినదని ఆమెకు చెప్పారు. ఆమెకు అనుమానం వచ్చి “ఇంత సొమ్ము మీకెక్కడిదీ? మీరు దొంగలా?” అని అడిగింది.

“కాదు, మేము యాత్రీకులము. ప్రతీ రాత్రీ మేము దేవాలయాలవద్ద అనేక భక్తిగీతాలు పాడుతూ, జాగరణలు చేసేవారికి తోడుగా ఉంటాము.

వాళ్ళు మాకు కానుకగా యీ బంగారు నాణేలను ఇస్తుంటారు. మేము నల్గురమూ కలిసి వచ్చి అడిగినప్పుడు మాత్రమే యీ కుండను మాకివ్వాలి! అట్లా చేస్తానని నీవు మాకు ప్రమాణం చేసి చెప్పు” అన్నారు. అందులకు ఆమె అంగీకరించింది.

ఒకరోజున వాళ్ళు యింటికి తిరిగివస్తూండగా దారిలో ఏవో తినుబండారాలు, పళ్ళూ కన్పించాయి. ఆ రోజు వాళ్ళవద్ద పైకమేమీలేదు. మరి అవి ఎట్లా కొనుక్కోవాలి. అవ్వయిల్లు దగ్గరలోనే ఉంది. అందుచేత వారిలో ఒకణ్ణి పోయి కుండనుతీసుకు రమ్మని చెప్పారు. వెళ్ళినవాడు కుండనిమ్మని అడిగితే ఆ అవ్వగట్టిగా “కుండను యితనికి యివ్వవచ్చునా?” అని కేకవేసింది.

ఆమెకు సమాధానంగా మిగతాముగ్గురూ “ఆ! ఇవ్వవచ్చు” అన్నారు. వెంటనే ఆమె. వచ్చినవానికి కుండనిచ్చింది. ఆ వచ్చిన వాడు 'దురాశాపరుడు. ఆ నాణేలకుండతో ఎక్కిడికో పారిపోయాడు.

ఎంతసేపటకీ అతడు రాలేదని మిగతా ముగ్గురూ అవ్వవద్దకు వెళ్ళి “అవ్వా!కుండ ఏది?” అని అడిగారు. “వచ్చిన వాడికి కుండను యివ్వవచ్చునని అరచి చెప్పారుకదా! అందుచేత కుండను వానికి యిచ్చాను” అంది.

దానికి ఆ ముగ్గురుదొంగలూ నానారభసా చేయసాగారు. “ముసలమ్మ దొంగది. మా సొమ్మంతా దొంగిలించింది” అని అరవసాగారు. ఆ గొడవకి చుట్టుప్రక్కలవారు అనేకమంది పోగయ్యారు. ఎవరూ ఏమీ చెప్పలేకపోతున్నారు.

అదే సమయంలో రామలింగడు ఆ దారిగుండాపోతూ వీరిగోల విన్నాడు. ఆ సమయంలోనే ప్రాతఃకాల వ్యాయామం చేస్తూ వెళ్తున్న మహారాజుకూడా అక్కడకు రావడం సంభవించింది. ఆయనకు రామలింగడు జరిగినదంతా వివరించి “అవ్వను దూషించడం మంచిపనికాదు. అవ్వ నిజాయితీపరురాలు. మోసకారికాదు!” అన్నాడు.

“ఐతే, ఆమెనిర్జోషి యని నీవే నిరూపించి చూపించు” అని రామలింగని రాజుగారు ఆజ్ఞాపించారు. రామలింగడు ఆ ముగ్గుర్నీ ఒక ప్రక్కకుపిల్చి, జరిగినదంతా చెప్పండి అని అడిగాడు.

అంతా విన్న రామలింగడు “ఈ అవ్వ దోషికాదు. అ అవ్వ అబద్ధమాడుటలేదు. మీరు నలుగురు ఉన్నప్పుడు మాత్రమే ఆమెను కుండనిమ్మని. చెప్పారుకదా? ఇప్పుడు మీరు ముగ్గురే ఉన్నారు!

మీకు ఈమె కుండనెట్లాయిస్తుంది?” అని అడిగాడు. ఏం జవాబుచెప్పాలో వాళ్ళకి తోచలేదు. వాళ్ళని నిలదీసిన మీదట, తాముకూడా దొంగలమేనని వాళ్ళు ఒప్పుకున్నారు.

రామలింగని తెలివికి రాజుగారు సంతోషించి న్యాయాధికారిగా నియమించారు. ముగ్గురు దొంగల్నీ బంధించి చెరసాలలో బెట్టారు.

నీతి:- మోసపుబ్రతుకు మూణ్ఞాళ్ళ ముచ్చటే.

తెనాలి రామకృష్ణుని కథ
Moral Stories
Neethi Kadhalu
Telugu Stories
Tenali Ramakrishna
Tenali Ramakrishna Stories